Headlines

कोरियामा कोरोना संक्रमितको संख्या २ सय नाघ्यो, १ सय ४४ जना एउटै चर्चका

20.02.2020, Südkorea, Daegu: Arbeiterinnen und Arbeiter in Schutzkleidung sprühen Desinfektionsmittel gegen das neue Coronavirus vor einer Kirche. Der Bürgermeister der südkoreanischen Stadt Daegu forderte die 2,5 Millionen Einwohner auf, nicht nach draußen zu gehen, (zu dpa "Südkorea: Bürger Daegus sollen nach neuen Virus-Fällen daheim bleiben") Foto: Kim Jun-Beom/Yonhap/dpa +++ dpa-Bildfunk +++

सिओल –
शुक्रवार दिउँसो ४ बजे सम्मको तथ्याङक अनुसार कोरियामा कोरोना संक्रमितको संख्या २ सय ४ पुगेको छ । मंगलवार सम्म ३१ जनामा देखिएको संक्रमण पछिल्लो तीन दिनमा १ सय ७३ जना थपमा देखिएको कोरियाको रोग नियन्त्रण केन्द्रलाई उद्धृत गर्दै सिओल सिनमुनले जनाएको छ ।
पछिल्लो तीन दिनमा देखिएका अधिकांश संक्रमितहरु थेगु स्थित सिनछनजी चर्चसँग सम्बन्धीत रहेको केन्द्रले बताएको छ । कोरियाको दक्षिण पश्चिमी क्षेत्रमा पर्ने ख्यङसान बोग्दो प्रान्तमा मात्र १ सय ५३ जना संक्रमित भेटिएका छन् । यो संख्यामा पनि १ सय ४४ जना थेगु स्थित सिनछन चर्चसँग सम्बन्धीत रहेको केन्द्रको भनाई छ ।
हिँजो ख्यङनाम क्विनदाओ अस्पतालमा एकजना संक्रमितको निमोनियाका कारण मृत्यु भएको थियो । सोहि अस्पतालले आज विहान १६ जना संक्रमित भर्णा भएको बताएको छ । कोरियामा क्विनदाओ र थेगु कोरोना संक्रमितहरुको केन्द्र मानिएको केन्द्रले जनाएको छ ।
आज मात्रै १६ हजार १ सय ९६ जनाले कोरोना परिक्षण गरेकोमा १० हजार ३ सय १६ लाई नेगेटिभ देखिएको र बाँकीकोे परीक्षण चलिरहेको केन्द्रको भनाई छ ।
सिनछन चर्चमा धेरै मानिसहरु बन्द कोठाभित्र प्रार्थना गर्दा संक्रमण फैलिएको केन्द्रको दावी छ ।
केन्द्रका प्रमुख चुङ युन क्युङले भने , ‘‘ संक्रमणको प्रकृति हेर्दा, संक्रमितको संख्या ठुलो भएको अनुमान गर्न सकिन्छ । हामी अनुसन्धान गरिरहेका छौँ, चर्चमा कसरी संक्रमण पुग्यो ? हामीलाई थाहा छ, चर्चका अन्य देशहरुमा पनि शाखाहरु छन, जस्तै चिन, हुवेईमा पनि यसको शाखा छ की भन्ने विषयमा हामी बुझ्दै छौँ । ’’
केन्द्रले उक्त चर्चसँग सम्बन्धीत थप ५ सय ४० जनामा लक्षण देखा परेको बताएको छ ।
सिनछन चर्चबाट फैलिएको कोरोनाबाट जोगिन त्यहाँको स्थानिय सरकारले अत्यावसेक बाहेक अन्य समयमा घर बाहिर नजान सर्कसाधारणसँग अपिल गरेको छ ।

Leave a Reply

Your email address will not be published. Required fields are marked *