Headlines

कोरियामा कोरोना- शनिबार साँझसम्ममा ३ को मृत्यु‚ ४ सय ३३ संक्रमित

20.02.2020, Südkorea, Daegu: Arbeiterinnen und Arbeiter in Schutzkleidung sprühen Desinfektionsmittel gegen das neue Coronavirus vor einer Kirche. Der Bürgermeister der südkoreanischen Stadt Daegu forderte die 2,5 Millionen Einwohner auf, nicht nach draußen zu gehen, (zu dpa "Südkorea: Bürger Daegus sollen nach neuen Virus-Fällen daheim bleiben") Foto: Kim Jun-Beom/Yonhap/dpa +++ dpa-Bildfunk +++

सिओल– दक्षिण कोरियामा कोरोनाबाट मृत्यु हुनेको संख्या ३ पुगेको छ भने यसबाट ४ सय ३३ जना संक्रमित भएको पुष्टि भएको छ।

शनिबार ख्यङजुमा थप १ जनाकाे मृत्यु भएपछि मृतकको संख्या ३ पुगेको हो।

शुक्रबार साँझसम्म २ सय ४ काे संख्यामा रहेकाेमा शनिबार साँझ ५ बजेसम्म एकैदिन २ सय २९ जना कोरोना संक्रमित बिरामी थपिएकाे काेरियाकाे राेग नियन्त्रण केन्द्रलाई उद्धृत गर्दै काेरियाका नेपाली डाक्टर राजेशचन्द्र जाेशीले जानकारी दिए।

संक्रमित ४ सय ३३ जनामध्ये २ सय ३१ जना थेगुस्थित सिन्छन् चर्चसँग सम्बन्धित रहेकाे केन्द्रकाे भनाइ छ। यसैगरी थेगु सहरबाट मात्रै ३ सय ५२ जना संक्रमित भएको जनाइएको छ।

काेरियामा मंगलबारसम्म ३१ जनाकाे संख्यामा रहेकाे संक्रमितकाे संख्या पछिल्लाे ४ दिनमा ४ सय २ जनाले वृद्वि भएकाे हो।

पछिल्लाे संक्रमण थेगुस्थित सिनछन चर्चबाट फैलिएकाे केन्द्रले जनाएकाे छ।

सरकारले थेगुलगायत थेगु वरिपरीका बासिन्दालाई अत्यावश्यक अवस्था बाहेक बाहिर ननिस्किन अपिल गरेकाे छ।

साथै भाइरसबाट कोरियामा ३ जनाको मृत्यु भइसकेको छ भने अहिलेसम्म विश्वभरिबाट २ हजार ३ सय ६० जनाको कोरोनाको संक्रमणबाट मृत्यु भएको छ।

यसैगरी ७७ हजार ७ सय मानिसमा संक्रमण फैलिएको छ। चीनभन्दा बाहिरका देशमा मात्रै सो भाइरसबाट १५ जनाको मृत्यु भएको छ।

Leave a Reply

Your email address will not be published. Required fields are marked *