ओखलढुंगाः ओखलढुंगामा प्रथम अन्र्तराष्ट्रिय औधोगिक महोत्सव आयोजना गरिने भएको छ । उद्योग बाणिज्य संघको आयोजनामा पहिलो पटक ओखलढुंगा अन्र्तराष्ट्रिय महोत्सव हुने भएको हो ।
संघले मंगलबार पत्रकार सम्मेलन गरेर एआईके ग्रुपसँगको सहकार्यमा चैत ३० देखि ०७६ बैशाख १० सम्म महोत्सव आयोजना गरिएको जानकारी दिएको छ ।
संघका अध्यक्ष ज्ञानेन्द्र मास्केले स्थानीय उत्पादन, कला संस्कृति, पर्यटन प्रवर्धन गर्न अन्तराष्ट्रिय महोत्सव आयोजना गर्न लागिएको जानकारी दिए । महोत्सवमा रहने कूल १ सय ५० स्टलमध्ये २० ओटा अन्र्तराष्ट्रिय स्टल रहने छन् । छिमेकी देशहरु चीन, भारत, पाकिस्तान र वंगालादेशका उत्पादनहरुका स्टल राखिने उनले जनाए ।
जिल्लामै पहिलोपटक हुन लागेको ओखलढुंगा महोत्सवलाई अन्र्तराष्ट्रिय औधोगिक महोत्सव बनाइने आयोजकले जनाएको छ । सांस्कृतिक कार्यक्रम अन्र्तगत लोकदोहोरी प्रतियोगिताका अतिरिक्त स्टेज कार्यक्रमहरुमा राष्ट्रिय कलाकारहरु ज्योति मगर, खुमन अधिकारी, बद्री पंज्ञनी, आस्था राउत, कमल खत्री, रोज मोक्तान, राधिका हमाल र बले कक्रोज लगायतको प्रस्तुती रहने छ ।
महोत्सवले स्थानीय उत्पादनको बजारीकरण, पर्यटन प्रवद्र्धन, धार्मिक तथा पर्यटकीय स्थलको प्रचार गरेर ओखलढुंगालाई अन्तर्राष्ट्रिय स्तरमा पहिचान गराउने महोत्सव आयोजक मूल समितिका संयोजक निवन्द श्रेष्ठले बताए । उनले १० दिने महोत्सवमा ३ लाखले अबलोकन गर्ने र ३ करोड बढीको कारोबार हुने लक्ष्य राखिएको जनाए ।
महोत्सवको उद्घाटन प्रधानमन्त्री केपी शर्मा ओली र समापन प्रमुख प्रतिपक्षी दलका नेताबाट गराइने तयारी गरिएको संघले जनाएको छ ।
